Vinnuskóli
Skrifstofa vinnuskólans er hjá Tæknideild Snæfellsbæjar í Ráðhúsi Snæfellsbæjar.
Vinnuskóli Snæfellsbæjar býður unglingum bæjarins uppá skemmtilega og fræðandi sumarvinnu.
—
Upplýsingar fyrir vinnuskólann sumarið 2023
Vinnuskólinn verður starfræktur í sex vikur, frá 7. júní til 19. júlí.
Nemendur sem voru að ljúka 8. bekk starfa í fjórar vikur, frá 7. júní til 5. júlí.
Nemendur sem voru að ljúka 9. og 10. bekk starfa í sex vikur, frá 7. júní til 19. júlí.
Unglingar fæddir 2006 geta einnig sótt um í vinnuskólanum, og vinna þeir sama tímabil og nemendur í 9. og 10. bekk.
Daglegur vinnutími nemenda sem voru að ljúka 8. bekk er frá frá kl. 8:00 – 12:00.
Daglegur vinnutími nemenda sem voru að ljúka 9., 10. bekk og hjá unglingum fæddum árið 2006 er frá kl. 8:00 – 16:35 með hádegismat nema á föstudögum, þegar unnið er til kl. 12:00.
Athugið: Nemendur sem voru að ljúka 10. bekk og unglingar í árgangi 2006 þurfa að skila rafrænum persónuafslætti og greiða í lífeyrissjóð. Iðgjöld reiknast frá næstu mánaðarmótum eftir 16 ára afmælisdag.
Laun vegna vinnuskóla 2023
16 og 17 ára unglingar:
Launaflokkur 117, kr. 397.545.-
dv.kr. 2.445.-, yv.kr. 4128.-
14 og 15 ára unglingar:
75% af launafl.117. kr. 298.159.-
dv.kr.1.834.-, yv. kr.3.096-
13.04% orlof bætist ofan á laun allra í vinnuskóla.
Laun eru reiknuð skv. samningi Kjalar stéttarfélags starfsmanna í almannaþjónustu.
Nemendur vinnuskóla mæta á eftirfarandi staði, fer eftir búsetu:
- Ólafsvík – Áhaldahús Snæfellsbæjar
- Hellissandur – rúta fer frá Grunnskólanum á Hellissandi
- Rif – rúta fer frá strætóskýlinu efst í Háarifi
Reglur vinnuskólans eru einfaldar og skýrar:
Vinnuskólinn er eingöngu ætlaður fyrir börn sem eiga lögheimili í sveitarfélaginu eða eiga foreldri með lögheimili í sveitarfélaginu.
Umsóknarfrestur er til og með 21. maí 2023. Sótt er um starf í gegnum nýja þjónustugátt Snæfellsbæjar.